Jädzd kimm i,
wos wuisd DU do?
Mugg ned rum,
de Gosch moi hoid,
und sei grod schdaad
bisd eh so dumm.

I bin da Besde
und woas wia´s gähd
hob s´Schnial dabei,
zum wiggln fesd
um oan Finga
beim Chef so glei.

Drängln kun i
schau rechd frech
schiab den Wong,
mid Luxus voi
häif da Oma
auf koan Foi drong.

Fahr midn Audo
duach a Lagg
de gwiis ned gloa,
a Tussi mid Hund
am Rande schdähd
ma head an Schroa.

Wos is´n a Zeid
soi ma de hom?
Wo griagd ma de hea,
es iss doch egal
ob´s da andre brauchd
wo ea´s hod so schwea.

D´Rüggsichd ned kenn´
de Voasichd is fremd
s´wichdigsde iis,
i bin da Besde
übaroi gfrogd
ganz sicha und gwiis.

Wos juggd mi de oane
wos gradzd mi da andre
zwoa Ell-bogn hob,
wenn´s nua dru henga
neba dem G´rüsd
saggrisch waar´s schod!

© Teresa Ruebli


© Teresa Ruebli


4 Lesern gefällt dieser Text.




Unregistrierter Besucher

Diesen Text als PDF downloaden




Kommentare zu "Ellbogn-Menschn"

Re: Ellbogn-Menschn

Autor: Alex Anders   Datum: 21.02.2013 23:21 Uhr

Kommentar: Hallo Teresa Ruebli, bei Lagg musst du mir helfen, da komm ich nicht drauf(vielleicht Lache?). MfG, Alex

Re: Ellbogn-Menschn

Autor: TeresaRuebli   Datum: 22.02.2013 14:16 Uhr

Kommentar: Lagg = Lacke = Pfütze ... jetzt kannst du drüber "lachen" !!! :

Re: Ellbogn-Menschn

Autor: Alex Anders   Datum: 22.02.2013 20:42 Uhr

Kommentar: Ne, ne, Teresa. Lachen war nicht gemeint von mir, sondern schon auch Lache=Pfütze. Hatte ich also richtig vermutet. MfG, Alex

Kommentar schreiben zu "Ellbogn-Menschn"

Möchten Sie dem Autor einen Kommentar hinterlassen? Dann Loggen Sie sich ein oder Registrieren Sie sich in unserem Netzwerk.