Displaying 1-1 of 1 result.
Kommentar zu
Autor: Ricardo Datum: 04.07.2022
Isch mösch üch ens e rischtisch kölsch jedeech opschrieve - hier kütt et:
Zwei Junge mohten schlofe jon
un hatten keine Schlof!
Wer Junge kennt, der weed verston,
wat dat em Bett noch joof.
Eech wood sisch jet verzallt, jelaach
un dann noh Jungeart
jebalsch sisch, dat die Bettlatt kraach
und Moodsschandal jemaat.
Doch nevven aan im Zimmer soß
der Vatter, der ze Ovend oss.
Hä tupp dä Ströpp ens op de Dür:
jlisch woht et och jet still.
Doch baal jing aan dat Spill vun für,
dat woht dem Mann ze drill:
hä sprink zur düstren Stuvv eren,
packt sich dä eeschte beste
un bläut dem jründlich Mores en,
wat jiste nit, wat häste.
Dann jeht der Vatter widder fott
un denk met Rauh ze esse,
do hät dä zackerlotse Krott
die Schröm ald widder verjesse.
Hä fänk mem Broder bröderlisch
vun neuem aan ze balje sisch.
Jlich es dä Vatter widder do
un ohne lang ze wähle
hollt hä am selve Pöhsche noh,
wat noch zo eesch dät fähle.
Im fottjon denk hä bei sisch dann:
"Jetz weeden isch wahl Fridden han
Derwiehle sääht der vürjelähje
zem Broder: "Isch ben och nit jeck,
isch han jetz zweimol Knuutse kräje,
komm, läsch du disch och ens op die Eck."
Se tuuschen och janz bröderlisch...
un baljen dann vun neuem sisch.
Zem drette Mol dä Vatter kohm
un denk bei sisch: "Moodzacker,
ze unräch isch dä eeschte nohm,
dä zweite es dä Racker!"
Hä talps no hinge en däm Bett,
schnapp sisch dä zweite Fant,
un hätt et däm, et wor nit nett,
zom drette Mol jebrannt.
(Übersetzungwird auf Wunsch nachgeliefert
reimt sich nur nicht so gut)
Vell Spass drahn.