Weihnochtn wia imma?

WEIHNOCHTN WIA IMMA?

Weihnochtn steht wieda vua da Tir,
Nostalgie pur, - glaube mir!
Bei uns muass ollas imma sein,
wia domois ois da Bua no klein.

Jedes Johr da gleiche Bam,
g'feiat wird bloß nur daham,
a g'füde Antn, unsa Mayosalot,
a Kraut dazua, des oba ROT.

De Keksaln in de buntn Dosn,
derf ma bei Gott net bockn lossn ,
de söbagmochtn miassn 's sei,
de kean dazua doch ollawei.

Advenkraunz muass a ana her,
den söba z'mochen follt net schwer,
da gaunze Gorten erstroiht im Licht,
bis daun da Christbam nimmt die Sicht.

Da Bua, er zint de Kerzal aun,
de Sterndlwerfa san daun drau,
auf ans vazicht ma oba gern,
des Gsangl, des wü kana hearn.

Stimmungsvoll ist's imma wieda,
im Kerzenschein a ohne Lieda.
Nun frog ma uns, wird's a so sei
waun kane Tiere mehr san dabei?

Wia de si g'freit haum jedes Johr,
wia klane Kinda, des is wohr,
de haum a auf Geschenke g'wort
und g'schaut, ob jo a Papperl dort.

So wird's hoit heia aundas sein,
wir miassn ohne de uns g'frein,
obwoi de Soche mit'm Schenkn
erfordert nun schon sehr vü Denkn.

Weu jeder eh schon olles hot,
erfreu ma uns am Anterl mit Solot,
an d' Keksal und am schenan Bam
und wia san froh, dass ma uns ham.

© Angelika

Gefällt mir!Gefällt mir nicht mehr!

2 Lesern gefällt dieser Text.

Jens Lucka
Unregistrierter Besucher

Beschreibung des Autors zu "Weihnochtn wia imma?"

Österreichische Mundart

Diesen Text als PDF downloaden

Kommentare zu "Weihnochtn wia imma?"

Möchten Sie dem Autor einen Kommentar hinterlassen? Dann Loggen Sie sich ein oder Registrieren Sie sich in unserem Netzwerk.