Oba,wast eh...

Neilich hot mi a klana Bua gfrogt,wos`n eigentlich da Grund is vom Lebn?I hob eam ois auntwurt gebn,das des nur unsa Herrgott was.Den gibts jo ned,hot er gsogt,genau wia den Ostahosn,der is jo a ned echt...Nau wos soist so an ausgschlafenen Bürschal ois Auntwurt gebn?Das de Woid vakehrt rennt?Das de Leit ihr anziges Lebn mit Arbeit und Sorgn verschwendn?Das kanna mehr was,wos foisch und wos richtig is?Das Gesetze nur für die dumme,träge Masse gmocht san?Das de Politik liagt wia druckt,oba mia des glaubn woin?Das da Wauhnsinn des ganz normale is?Das es Lebn im Schutz des Mutterleibs aum wenigsten zöht und aum gfählichsten"lebt"?Das heit ana Justizminister is und Murgn söwa an Prozess hot(den er gwinnt,eh kloar...)?
Do hob i daun dem Buam gsogt:Da Grund vom Lebn is ,das brav bist,fleissig orbeitn gehst,vü Steuern zoist und daun noch an hoibn Joahr in Pension aun an Herzinfakt stirbst und kan mehr zu Last foist!Oisa gibts doch den Ostahosn,hot er gsogt..wieso auch immer...

© Hannes Lapesch

Gefällt mir!Gefällt mir nicht mehr!

2 Lesern gefällt dieser Text.

Kathleen
Angélique Duvier

Diesen Text als PDF downloaden

Kommentare zu "Oba,wast eh..."

Möchten Sie dem Autor einen Kommentar hinterlassen? Dann Loggen Sie sich ein oder Registrieren Sie sich in unserem Netzwerk.